دولت کی ہوس اور معاشرتی برائیاں (1970ء میں چودہ تولے سونا) (حکیم محمد طارق محمود مجذوبی چغتائی (پی ۔ ایچ ۔ ڈی : امریکہ) ایڈیٹر : عبقری ) ایک عمر رسیدہ خاتون پریشان حال‘ غربت آنکھوں سے ‘ لباس سے‘چال سے‘ حال سے‘ قال سے‘ ڈھال سے بالکل نمایاں تھی۔ کہنے لگی ہم بہن بھائی تھے‘ ایک ہی ماں کی گود میں کھیلے اور ایک ہی چھاتی سے دودھ پیا۔ والدین نے مجھے زیورات بہت دئیے‘ بھائی کسی مجبوری کی وجہ سے میرے پاس آیا کہ بہن مجھے اپنا تھوڑا سا زیور دے دو۔میں بیچ کر اپنا ایک انتہائی پریشان کن قرضہ ہے وہ ادا کردوں گا۔ تو میری بہن ہے۔۔۔تو میرے دکھی وقت میں کام نہیںآئے گی تو پھر کون کام آئے گا؟ اس کے آنسو‘ اس کی منت‘ التجا اور زاری نے میرے دل کو نرم کردیا۔ میں نے اس کو زیور دیا یہ ابتدا انیس سو ستر میں ہوئی۔ پھر وہ وقتاً فوقتاً اپنی مصیبتیں لے کر میرے پاس آتا اور زیور لیتا رہاحتیٰ کہ میرا سارا زیور لے گیا۔پھر اسی طرح پیسے بھی لینے شروع کیے اور ساٹھ ہزار دے دئیے۔ وہ ہر بار آتا اور مجھے لکھ کر دے جاتا کہ میں نے اتنے لیے ہیں اور میںواپس د وں گا۔ جب سارا زیور ختم ہوگیا میں نے واپسی کا مطالبہ کیا آج کل میںٹالتا رہا اچانک میرے اس بھائی کو فالج ہوگیا اس کی گویائی چلی گئی‘ نظروں کی چمک کم ہوگئی‘ سننا بند ہوگیا اور بائیں سائیڈ بالکل ختم ہوگئی۔ اب میں روز چکر لگاتی ہوں اپنی بھابی کے پاس جبکہ میری بھابی کو سارا علم ہے۔ بھائی جب بھی زیورات لینے آتا بھابی کو بھی ساتھ لاتا تھا۔ ان کے بیٹے کاروباری ہیں بہترین بزنس ہے‘ گھرمیں کھانیپینے کی چیزوں اور گاڑیوں کی ریل پیل ہے۔ میں جب بھی جاتی ہوں تو بھابی بْرا سا منہ بنا کر کہتی ہے کہ تو نے مجھے تو نہیں دیا تھا بھائی کو دیا تھا یہ پڑا ہے اس سے لے لو۔میں حیران ہوتی ہوں کہ آج ان کے پاس جتنا کاروبار ہے وہ میرے زیور اور پیسوں کی وجہ سے ہے۔ بھتیجے پوچھتے نہیں‘ گھر جائوں تو سلام کا جواب نہیںدیتے‘ میں بھائی کے ساتھ چپ کرکے بیٹھی رہتی ہوں‘ بھابی اگر فارغ بھی بیٹھی ہے تو میرے جاتے ہی مصروف ہوجاتی ہے۔ میں کیا کروں؟ وہ خاتون یہ درد بیان کرکے مسلسل رو رہی تھی اور میں حیران اس کی شکل دیکھ رہا تھا۔ کیاحلال و حرام کی تمیز ختم ہوگئی؟ کیا حلال و حرام کی تمیز ختم ہوگئی؟ اور یہ احساس نہ رہا کہ میں نے قیامت کے دن ایک ایک پیسے کا حساب دینا ہے؟ اس شخص نے مال اکٹھا کیااور اولاد کو دیا۔ اولاد مال کے مزے لوٹ رہی ہے اور وہ خود موت کے انتظار میں دن گن رہا ہے۔ کیا اولاد کے سامنے اس شخص کی قبر‘ اس کی آخرت‘ اس کا خاتمہ بالخیر ہونا نہیں ہے‘ کیا ہم قبرو آخرت سے اتنا دور چلے گئے ہیں؟ کیا قیامت کی جواب دہی ہمارے سامنے کوئی حیثیت نہیں رکھتی؟ آخر ہم اتنے بے حس کیوں ہوگئے ہیں‘ ہم اندر سے مردہ کیوں ہوگئے ہیں‘ اپنا نقصان کرنے پر کیوں تلے ہوئے ہیں‘ یہ چیز اس وقت ہوتی ہے جب انسان صرف ختم خیرات یا غریب کی مدد یا پھر کبھی رسم و رواجی دین کا کوئی فنکشن منا لے اور اسی کو آخرت اور دین سمجھے۔ زندگی حلال سے چلتی ہے حرام سے نہیں: اللہ والو! یاد رکھنا دین و شریعت ہماری ضرورت ہے آپ نے بھی ایک تجربہ کیا ہوگااور میری بات پر آپ کو سارے تجربات یاد آجائیں گے اوریہ تجربہ میں نے بھی کیا وہ یہ کیا کہ حرام سے کبھی نسلیں نہ پلتی ہیں نہ پنپتی ہیں۔ حرام سے نسلوں میں سکون اور چین نہیں آتا‘ حرام سے زندگیاں بے چین اور بے قرار ہوجاتی ہیں‘ حرام سے قتل و غارت‘ بیماریاں‘ پریشانیاں‘ اکتاہٹ اور بے چینی جنم لیتی ہے۔ آزمانا ہے تو آزمالیں نہیں آزمانا تو جو آزما چکے ہیں ان کی زندگی کے تجربات دیکھ لیں۔ آپ کو واضح احساس ملے گا کہ زندگی حلال سے چلتی ہے حرام سے نہیں چلتی۔ لہٰذا جلدی سے اپنی زندگی میں جتنی بھی حرام اور مشکوکات ہیں ان سب سے ابھی سے پناہ لیں اللہ پاک مجھے اورآپ کو یہ شعور اور آگہی عطا فرمائے۔ سسکتی سلگتی خواہشات اور پیسہ۔۔۔!!! ایک نئی نویلی دلہن نے اپنے بیرون ملک مال و دولت کمانے والے شوہر کو خط لکھا کہ میرے سرتاج مال ودولت تو زندگی کی ہر عمر میں کمایا جاسکتا ہے‘ جوانی کے تو چند دن ہوتے ہیں اور بہت جلد جوانی ڈھل جاتی ہے۔ کیا میں اسی طرح سالہا سال آپ کا انتظار کرکے اپنے سر کے بالوں میں چاندی بھرلوں گی؟ اپنے ہاتھوں سے رنگین مہندی کو مٹادوں گی‘ اپنے پائوں کے پائل کی جھنکار جو صرف جوانی میں ہی اچھی لگتی ہے اتار کر اس تصور کے ساتھ رکھ دوں گی کہ اپنی بیٹی کو پہنائوں گی؟ اب میرے پہننے کی عمر ختم ہوگئی ہے۔ کیا میں جوانی کی حسرت اور امیدوں کو کسی طاق میں رکھ کر تالا لگا دوں؟ میں نے آنکھوں سے آپ کو چاہا ہے‘ آپ کے بول میرے کانوں میں رس گھولتے ہیں‘ آپ کی مسکراہٹ سے میری گھر کے سارے کاموں کی تھکن ختم ہوجاتی ہے۔ کیا یہ جذبات آپ کی تصویر دیکھ کر تسکین پالیں گے؟ نہیں!میرے سرتاج ہرگز نہیں‘ آپ واپس آجائیں‘ مجھے بھوک قبول ہے‘ پرانے کپڑے قبول ہیں‘ لیکن ان بچوں کواور اس جوانی کو آپ کا ساتھ چاہیے‘ ان جذبات کو آپ کا سہارا چاہیے۔ میں انتظار بہت کرچکی اب مجھے زیادہ انتظار نہ کروائیں۔‘‘ میرے اندر کا حکیم طارق چیختا ہے: قارئین! یہ الفاظ لکھتے ہوئے میں آپ آبدیدہ ہوں‘ جب بھی میرے پاس ایسی زندگیاں آتی ہیں میں تڑپ جاتا ہوں‘ میرے اندر کا حکیم طارق چیخ اٹھتا ہے‘ آخر کیوں؟ مال‘ دولت اور پیسے کیلئے وہ زندگی سسکتی اور سلگتی رہ جائے گی کیا مال دولت اور پیسہ سب کچھ ہوتا ہے؟ ایک خاتون اپنی انیس سالہ بیٹی کو ساتھ لیے کہہ رہی تھی اس کی منگنی ہے اور باپ نے یہ وعدہ کیا ہے کہ میں تجھے منگنی کا تحفہ بھیجوں گا۔ بس یہ پیٹ میں تھی تو باپ اٹلی گیا‘ ابھی تک واپس نہیں آیا۔ سنا ہے اس نے وہاں کوئی شادی کررکھی ہے اس کی زندگی تو یوں گزر گئی میں اس کے انتظار ہی کی آہٹ کو سنتے سنتے بوڑھی ہوگئی۔ وہ بلک بلک کر رو رہی تھی پھر اس نے ایک کاغذ بیٹی سے علیحدہ مجھے پکڑایا جس کے اندر اس کے وہ گناہ تھے جس کا ذمہ دار صرف اس کا شوہر ہی ہوسکتا ہے۔ کیا اس کے ڈالر‘پونڈ‘یورو‘درہم‘ دینار‘ریال اس کو آخرت میں بیوی کی اس جواب دہی سے چھڑوا دیں گے؟؟؟کیا اس کو نجات مل جائے گی؟ ہرگز نہیں…! تمہارے ابو کیوں نہیں آتے؟ ایک خاتون کہنے لگی یہ بیٹا آٹھ سال کا ہوگیا ہے اور اس کی پیدائش سے چند ماہ پہلے اس کا باپ سائپرس یعنی یونان گیا پھر پلٹ کے نہ آیا۔ بیٹے نے نیٹ پر باپ کی تصویر دیکھی ہے باپ نے بھی نیٹ پر ہی بیٹے کی تصویر دیکھی ہے… حقیقت میںباپ نے بیٹے کو دیکھا نہ بیٹے نے باپ کو دیکھا۔ کہتا ہے جب میںسکول جاتا ہوں‘ بچے مجھ سے پوچھتے ہیں ہمارے ابو تو آتے ہیں‘ پرنسپل سے ملتے ہیں‘ ٹیچر سے ملتے ہیں‘ تیرے ابو تجھے کبھی چھوڑنے نہیں آئے۔ کیا تیریابو نہیں ہیں؟ میں اپنے کلاس فیلوز کو وضاحتیں دیتے دیتے تھک گیا ہوں مجھے اس کی کوئی وضاحت نہیں ملتی۔ میں کیا کروں؟ کہاں سے وضاحتیں لے آئوں میں تھک چکا ہوں اس کا کوئی وسیلہ میرے پاس نہیں ہے میں کس سے سوال کروں؟۔ کیا مرد‘ عورتوں کے گناہوں کے ذمہ دار ہیں؟ قارئین! معاشرے میں پھیلتا ہوا گناہ‘ اولاد کی بے راہ روی اس کے اسباب اور بھی ہیں لیکن ایک بڑا سبب باپ کی سرپرستی سے محروم اولاد اور شوہر کی سرپرستی سے محروم بیوی ہے۔ پھر وہ کیا کرے آخر اس کی زندگی کے ساتھ بھی تو جذبات جڑے ہوئے ہیں۔ کیا مرد‘ عورتوں کے گناہوں کے ذمہ دار ہیں؟؟؟ جی ہاں…! یہ حقیقت ہے یہ سچ ہے‘ مجرم مرد ہیں…! عورتیں نہیں۔ ٭…٭…٭ -Ubqari

دولت کی ہوس اور معاشرتی برائیاں (1970ء میں چودہ تولے سونا)

دولت کی ہوس اور معاشرتی برائیاں (1970ء میں چودہ تولے سونا) (حکیم محمد طارق محمود مجذوبی چغتائی (پی ۔ ایچ ۔ ڈی : امریکہ) ایڈیٹر : عبقری ) ایک عمر رسیدہ خاتون پریشان حال‘ غربت آنکھوں سے ‘ لباس سے‘چال سے‘ حال سے‘ قال سے‘ ڈھال سے بالکل نمایاں تھی۔ کہنے لگی ہم بہن بھائی تھے‘ ایک ہی ماں کی گود میں کھیلے اور ایک ہی چھاتی سے دودھ پیا۔ والدین نے مجھے زیورات بہت دئیے‘ بھائی کسی مجبوری کی وجہ سے میرے پاس آیا کہ بہن مجھے اپنا تھوڑا سا زیور دے دو۔میں بیچ کر اپنا ایک انتہائی پریشان کن قرضہ ہے وہ ادا کردوں گا۔ تو میری بہن ہے۔۔۔تو میرے دکھی وقت میں کام نہیںآئے گی تو پھر کون کام آئے گا؟ اس کے آنسو‘ اس کی منت‘ التجا اور زاری نے میرے دل کو نرم کردیا۔ میں نے اس کو زیور دیا یہ ابتدا انیس سو ستر میں ہوئی۔ پھر وہ وقتاً فوقتاً اپنی مصیبتیں لے کر میرے پاس آتا اور زیور لیتا رہاحتیٰ کہ میرا سارا زیور لے گیا۔پھر اسی طرح پیسے بھی لینے شروع کیے اور ساٹھ ہزار دے دئیے۔ وہ ہر بار آتا اور مجھے لکھ کر دے جاتا کہ میں نے اتنے لیے ہیں اور میںواپس د وں گا۔ جب سارا زیور ختم ہوگیا میں نے واپسی کا مطالبہ کیا آج کل میںٹالتا رہا اچانک میرے اس بھائی کو فالج ہوگیا اس کی گویائی چلی گئی‘ نظروں کی چمک کم ہوگئی‘ سننا بند ہوگیا اور بائیں سائیڈ بالکل ختم ہوگئی۔ اب میں روز چکر لگاتی ہوں اپنی بھابی کے پاس جبکہ میری بھابی کو سارا علم ہے۔ بھائی جب بھی زیورات لینے آتا بھابی کو بھی ساتھ لاتا تھا۔ ان کے بیٹے کاروباری ہیں بہترین بزنس ہے‘ گھرمیں کھانیپینے کی چیزوں اور گاڑیوں کی ریل پیل ہے۔ میں جب بھی جاتی ہوں تو بھابی بْرا سا منہ بنا کر کہتی ہے کہ تو نے مجھے تو نہیں دیا تھا بھائی کو دیا تھا یہ پڑا ہے اس سے لے لو۔میں حیران ہوتی ہوں کہ آج ان کے پاس جتنا کاروبار ہے وہ میرے زیور اور پیسوں کی وجہ سے ہے۔ بھتیجے پوچھتے نہیں‘ گھر جائوں تو سلام کا جواب نہیںدیتے‘ میں بھائی کے ساتھ چپ کرکے بیٹھی رہتی ہوں‘ بھابی اگر فارغ بھی بیٹھی ہے تو میرے جاتے ہی مصروف ہوجاتی ہے۔ میں کیا کروں؟ وہ خاتون یہ درد بیان کرکے مسلسل رو رہی تھی اور میں حیران اس کی شکل دیکھ رہا تھا۔ کیاحلال و حرام کی تمیز ختم ہوگئی؟ کیا حلال و حرام کی تمیز ختم ہوگئی؟ اور یہ احساس نہ رہا کہ میں نے قیامت کے دن ایک ایک پیسے کا حساب دینا ہے؟ اس شخص نے مال اکٹھا کیااور اولاد کو دیا۔ اولاد مال کے مزے لوٹ رہی ہے اور وہ خود موت کے انتظار میں دن گن رہا ہے۔ کیا اولاد کے سامنے اس شخص کی قبر‘ اس کی آخرت‘ اس کا خاتمہ بالخیر ہونا نہیں ہے‘ کیا ہم قبرو آخرت سے اتنا دور چلے گئے ہیں؟ کیا قیامت کی جواب دہی ہمارے سامنے کوئی حیثیت نہیں رکھتی؟ آخر ہم اتنے بے حس کیوں ہوگئے ہیں‘ ہم اندر سے مردہ کیوں ہوگئے ہیں‘ اپنا نقصان کرنے پر کیوں تلے ہوئے ہیں‘ یہ چیز اس وقت ہوتی ہے جب انسان صرف ختم خیرات یا غریب کی مدد یا پھر کبھی رسم و رواجی دین کا کوئی فنکشن منا لے اور اسی کو آخرت اور دین سمجھے۔ زندگی حلال سے چلتی ہے حرام سے نہیں: اللہ والو! یاد رکھنا دین و شریعت ہماری ضرورت ہے آپ نے بھی ایک تجربہ کیا ہوگااور میری بات پر آپ کو سارے تجربات یاد آجائیں گے اوریہ تجربہ میں نے بھی کیا وہ یہ کیا کہ حرام سے کبھی نسلیں نہ پلتی ہیں نہ پنپتی ہیں۔ حرام سے نسلوں میں سکون اور چین نہیں آتا‘ حرام سے زندگیاں بے چین اور بے قرار ہوجاتی ہیں‘ حرام سے قتل و غارت‘ بیماریاں‘ پریشانیاں‘ اکتاہٹ اور بے چینی جنم لیتی ہے۔ آزمانا ہے تو آزمالیں نہیں آزمانا تو جو آزما چکے ہیں ان کی زندگی کے تجربات دیکھ لیں۔ آپ کو واضح احساس ملے گا کہ زندگی حلال سے چلتی ہے حرام سے نہیں چلتی۔ لہٰذا جلدی سے اپنی زندگی میں جتنی بھی حرام اور مشکوکات ہیں ان سب سے ابھی سے پناہ لیں اللہ پاک مجھے اورآپ کو یہ شعور اور آگہی عطا فرمائے۔ سسکتی سلگتی خواہشات اور پیسہ۔۔۔!!! ایک نئی نویلی دلہن نے اپنے بیرون ملک مال و دولت کمانے والے شوہر کو خط لکھا کہ میرے سرتاج مال ودولت تو زندگی کی ہر عمر میں کمایا جاسکتا ہے‘ جوانی کے تو چند دن ہوتے ہیں اور بہت جلد جوانی ڈھل جاتی ہے۔ کیا میں اسی طرح سالہا سال آپ کا انتظار کرکے اپنے سر کے بالوں میں چاندی بھرلوں گی؟ اپنے ہاتھوں سے رنگین مہندی کو مٹادوں گی‘ اپنے پائوں کے پائل کی جھنکار جو صرف جوانی میں ہی اچھی لگتی ہے اتار کر اس تصور کے ساتھ رکھ دوں گی کہ اپنی بیٹی کو پہنائوں گی؟ اب میرے پہننے کی عمر ختم ہوگئی ہے۔ کیا میں جوانی کی حسرت اور امیدوں کو کسی طاق میں رکھ کر تالا لگا دوں؟ میں نے آنکھوں سے آپ کو چاہا ہے‘ آپ کے بول میرے کانوں میں رس گھولتے ہیں‘ آپ کی مسکراہٹ سے میری گھر کے سارے کاموں کی تھکن ختم ہوجاتی ہے۔ کیا یہ جذبات آپ کی تصویر دیکھ کر تسکین پالیں گے؟ نہیں!میرے سرتاج ہرگز نہیں‘ آپ واپس آجائیں‘ مجھے بھوک قبول ہے‘ پرانے کپڑے قبول ہیں‘ لیکن ان بچوں کواور اس جوانی کو آپ کا ساتھ چاہیے‘ ان جذبات کو آپ کا سہارا چاہیے۔ میں انتظار بہت کرچکی اب مجھے زیادہ انتظار نہ کروائیں۔‘‘ میرے اندر کا حکیم طارق چیختا ہے: قارئین! یہ الفاظ لکھتے ہوئے میں آپ آبدیدہ ہوں‘ جب بھی میرے پاس ایسی زندگیاں آتی ہیں میں تڑپ جاتا ہوں‘ میرے اندر کا حکیم طارق چیخ اٹھتا ہے‘ آخر کیوں؟ مال‘ دولت اور پیسے کیلئے وہ زندگی سسکتی اور سلگتی رہ جائے گی کیا مال دولت اور پیسہ سب کچھ ہوتا ہے؟ ایک خاتون اپنی انیس سالہ بیٹی کو ساتھ لیے کہہ رہی تھی اس کی منگنی ہے اور باپ نے یہ وعدہ کیا ہے کہ میں تجھے منگنی کا تحفہ بھیجوں گا۔ بس یہ پیٹ میں تھی تو باپ اٹلی گیا‘ ابھی تک واپس نہیں آیا۔ سنا ہے اس نے وہاں کوئی شادی کررکھی ہے اس کی زندگی تو یوں گزر گئی میں اس کے انتظار ہی کی آہٹ کو سنتے سنتے بوڑھی ہوگئی۔ وہ بلک بلک کر رو رہی تھی پھر اس نے ایک کاغذ بیٹی سے علیحدہ مجھے پکڑایا جس کے اندر اس کے وہ گناہ تھے جس کا ذمہ دار صرف اس کا شوہر ہی ہوسکتا ہے۔ کیا اس کے ڈالر‘پونڈ‘یورو‘درہم‘ دینار‘ریال اس کو آخرت میں بیوی کی اس جواب دہی سے چھڑوا دیں گے؟؟؟کیا اس کو نجات مل جائے گی؟ ہرگز نہیں…! تمہارے ابو کیوں نہیں آتے؟ ایک خاتون کہنے لگی یہ بیٹا آٹھ سال کا ہوگیا ہے اور اس کی پیدائش سے چند ماہ پہلے اس کا باپ سائپرس یعنی یونان گیا پھر پلٹ کے نہ آیا۔ بیٹے نے نیٹ پر باپ کی تصویر دیکھی ہے باپ نے بھی نیٹ پر ہی بیٹے کی تصویر دیکھی ہے… حقیقت میںباپ نے بیٹے کو دیکھا نہ بیٹے نے باپ کو دیکھا۔ کہتا ہے جب میںسکول جاتا ہوں‘ بچے مجھ سے پوچھتے ہیں ہمارے ابو تو آتے ہیں‘ پرنسپل سے ملتے ہیں‘ ٹیچر سے ملتے ہیں‘ تیرے ابو تجھے کبھی چھوڑنے نہیں آئے۔ کیا تیریابو نہیں ہیں؟ میں اپنے کلاس فیلوز کو وضاحتیں دیتے دیتے تھک گیا ہوں مجھے اس کی کوئی وضاحت نہیں ملتی۔ میں کیا کروں؟ کہاں سے وضاحتیں لے آئوں میں تھک چکا ہوں اس کا کوئی وسیلہ میرے پاس نہیں ہے میں کس سے سوال کروں؟۔ کیا مرد‘ عورتوں کے گناہوں کے ذمہ دار ہیں؟ قارئین! معاشرے میں پھیلتا ہوا گناہ‘ اولاد کی بے راہ روی اس کے اسباب اور بھی ہیں لیکن ایک بڑا سبب باپ کی سرپرستی سے محروم اولاد اور شوہر کی سرپرستی سے محروم بیوی ہے۔ پھر وہ کیا کرے آخر اس کی زندگی کے ساتھ بھی تو جذبات جڑے ہوئے ہیں۔ کیا مرد‘ عورتوں کے گناہوں کے ذمہ دار ہیں؟؟؟ جی ہاں…! یہ حقیقت ہے یہ سچ ہے‘ مجرم مرد ہیں…! عورتیں نہیں۔ ٭…٭…٭

شیخ الوظائف کا تعارف

حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔ مزید پڑھیں

اھم اعلانات

Ubqari®

Ubqari®

عبقری ٹیلی گرام

عبقری واٹس ایپ گروپ

شیخ الوظائف کا مختصر تعارف

عبقری

براه راست درس

درس ریکارڈنگ

شفائیہ دعائیں

اہم اعلانات

ویڈیو درس

ماہنامہ عبقری

کتب

اخباری مضامین

ادویات

ٹوٹکے

اعمالِ شفاء

گیلری

اپائنٹمنٹ

بیعت

رابطہ

عبقری جادوئی لائبریری

دو انمول خزانے